سلسلة الجامعة :تسريحات شعرك والميكب المناسب للدوام

“ السلام عليكم ورحمة الله وبركاته “

صباحِك / مساءِك جِد و إجتهاد

 

🌸

وصلنا ثالث موضوع من السلسلة ، تكلمنا قبل عن :

طبيعة ونظام الحياة الجامعية 

الملابس والتنسيقات ، طلّاتك أنيقة وناعمة

وإكمالاً  للبسك المرتب والأنيق لازم تختارين تسريحة مناسبة وناعمة + ميكب صباحي يبرز ملامحك و غير مُبالغ ومايتعب بشرتك ..

🌸🌸

 

~ نبدأ بالشعر :

 

كالعادة نبدأ بنقاط مهمة لازم تراعينها :

← لاتعتمدين ع الستريت أو الإستشوار أو أي شيء ممكن يتلف شعرك ، مهما يكون مافي شيء يستدعي تتلفين شعرك علشانه 

← إنتِ ماراح تداومين شهر أو شهرين ، قدامك ٤ سنوات عالأقل ، فخليك ع طبيعتك ولاتبالغين ، لابد يجي يوم تروح عليك نومه وتجين بشوشتك 😛 فخلي الناس تاخذ ع شكلك الطبيعي والعادي 

← راعي جوّنا الجميل والحرارة الشديدة لو كنتِ بمنطقة حارة وحاولي تكون تسريحاتك مرفوعة حتى ماتتحسس رقبتك وشعرك مايهبط ، في الشتاء خذي راحتك و فكي شعرك واكشخي فيه 

← أخيراً لا تنسين إنو شعرك جزء مهم من كشختك لاتهملينه 

🌸🌸

جمعت بعض النماذج لتسريحات بسيطة و أنيقة ، ممكن تستوحين فكرة من هنا وفكرة من هنا وتطلعين كل مرة بتسريحة جديدة .. 

” الكوكينا أو البون أو الكعكة “

 

أكثر تسريحة مستهلكة ، سريعة و مريحة و أنيقة ، متأكدة ٤\٣ أيامك بتكون هيا تسريحتك ..

تقدرين تسوينها بأشكال مختلفة بحيث طلتك ماتتشابه كثير .

 

مثلاً .. اعتمدي على الفيونكات الملوّنة وبأحجام مختلفة فوق أو تحت الكوكينا 

أو الربطات الكبيرة ممكن تلفينها حوالين الكوكينا ، ولو كان فيها فيونكة بيطلع شكلها أجمل 

أو حتى لو رفعتي الكوكينا فوق مره ونزلتي كم خصلة من الجوانب بتطلعين كيوت أكيد 

 

# لاتخلين الشعر مشدود مرة أو الكوكينا صغيرة مرة ، حاولي تسوين بف في المقدمة و تكبرين الكوكينا وماتشدينها .

ولا شيء .. مافي تسريحة ، بس الشكل مرتب جداً ، البف في المقدمة يحلّي بشكل فضضيع  👌🏼

أشكال ثانية للكوكينا ، ممكن تعملينه من الخلف ع جنب بشكل شبه عشوائي 

أو تعملين تحته ظفيرة فرنسية ،، وعلى طاري الظفيرة الفرنسية شوفوا معي كمان ..

مرا شكلها لطيف ومرتب ، وممكن لو شعرك قصير بتكون حل ممتاز حتى ماتنزل خصلك ؛ أو ل صورة عاليمين لو شعرها قصير بيطلع يسسطل ، شوفوا كمان لو الظفيرة بالمقدمة ..

 

الظفيرة الفرنسية جداً أنيقة لو اتعلمتي تعملينها لنفسك ، أو لقيتي أحد يعملها لك 😛

غالباً ماتحتاجين معاها شيء ، لحالها أنيقة و أشكالها كثيرة وتنفع للشعر الطويل والقصير والناعم والمجعّد 😻

😻😻

حتى الظفيرة العادية أنيقة وتطلعين فيها بأشكال مختلفة ، ممكن تكون قرنين و طربوش ” كاب ” أو بندانا 

 وممكن تبرمين “ تلفين “ غرتك وتوصلينها بالظفيرة على جنب 

 وممكن تبدأين بالظفيرة من منتصف الراس وتخلينها مرخيّة ” مو مشدودة “ مع غرّة في المقدمة 

 وممكن تكون الظفيرة على جنب بشكل مرخي جداً ، أهم شيء يكون الشعر “ منفوخ ” من الجوانب ، ممكن تعكسين الشعر شوي بحيث يعطي فوليوم طبيعي ..

” التسريحات المرفوعة أو العشوائية “

مع إنها مو مرتبة ، لكن أنيقة ، ممكن يبغالها شوي بف أعلى الراس وشعر متوسط الطول ، م اتوقع تزبط عالشعر الطويل مره ..

ممكن لفّة بسيطة تعطي شكل مرتب ، وممكن خصلتين مبرومة في المقدمة وباقي الشعر مرفوع يعطي طلّة جميلة ، وممكن برمتين من الجوانب و كوكينا عشوائية من الخلف تعطي شكل أنيق  👍🏼

من اليمين ، حبييت جداً بف بسيط وظفيرتين من الجوانب أنيقة وسهلة ..

عاليسار ظفيرة فرنسية من الجنب ، تحت عاليمين جداً جميلة وسهلة ..

وعاليسار ذيل الحصان ، ثاني أكثر تسريحة مستهلكة ، أهم شغلة هي البف في المقدمة والذيل المرفوع ..

 

تسريحات تنفع للمستعجلات أو اللي خانهم شعرهم ومازبطت تسريحاتهم .. الكوكينا بنص الشعر والباقي مفتوح جداً جميلة 👍🏼

لو مليتي من شكل الكوكينا العادية ممكن تعملينه بشكل فيونكة ، جداً جميلة 🎀

أو ممكن تخلينهم كوكينتين ، بفيونكات أو بدون كلهم حلوين 

وممكن تظفرين خصلة وتلفينها حول الكوكينا تغيّر بالشكل وهي جداً بسيطة ..

وممكن تتحايلين وتسوينه بهالشكل الغريب والفانتاستك 👌🏼

الربطات تساعدك في تجديد طلتك حتى لو التسريحة مكررة وعادية ، تعطي كياته مو طبيعية 👍🏼

 

لو في يوم راحت عليك نومه ارفعي غرتك بشكل عشوائي وثبّتي الربطة وارفعي باقي الشعر كوكينا عشوائية ، وبتطلعين كأنك تعبانة عليها 😛

ربطة + بف + شعر ويفي = طلّة أنيقة😻

لو حبيتي ربطة والشعر مرفوع ، كمان جداً أنيقة ..

لو تعيشين بمنطقة باردة أو بالشتاء خذي راحتك وافتحي شعرك واكشخي فيه 😻

🌸

#فكرة : من كل يوم خذي لك صورة [ لبسك – شعرك- إكسسواراتك ومكياجك ] بيفيدك كثير ترجعين لها لما تحتارين .

🌸

~ ثانياً الميكب الصباحي :

بالنسبة لي المفروض مايتسمّى ميكب ، تقريباً أروح بشكلي الطبيعي ، أستغرب كثير من البنات اللي يحطون ميكب بالجامعة ” وهم قلّة الصراحة ” مع الحرارة بتحتاجين تشطفين وجهك كل شوي أو تستخدمين المياه الحرارية ، والوضوء لو دوامك طويل ، يعني صعب إنك تداومين بالميكب ، لكن …

من الأشياء الأساسية إنك ترسمين حواجبك + نتفة بلاشر وردي أو مشمشي ، برونز لو مره حبيتي تعطين دفئ لوجهك + روج بلون صباحي مناسب + كحل بني ع خط الرموش السفلية ..

ممكن مره بالاسبوعين تلبسين عدسات صباحية لو اشتهيتي ، وايلاينر مموه ، وماسكرا ..

بكل الأحوال لايزيد الميكب عن هالصور ، الغرض هو إبراز ملامحك وإعطاء لون صحّي لوجهك فقط ، إن شاء الله في مواضيع قادمة نتكلم عن منتجات تنفع للجامعة ..

اتمنى م أكون طوّلت عليكم ، وإن شاء الله استفدتوا 

” دمتم بـ جِد و إجتهاد و توفيق “

 

🌸